Bölmələr |
|
|
|
|
Namiq
Abdullayev
(1928-1992)
| Azərbaycan ədəbiyyatında fantastik əsərlər müəllifi kimi tanınan
Abdullayev Namiq Ələkbər oğlu Xızıda anadan olmuşdur. O, Azərbaycan Dövlət
Xarici Dillər İnstitutunda təhsil almışdır. Bir müddət müəllimlik etmiş,
sonralar nəşriyyatda, radio və televiziyada işləmişdir.
N.Abdullayev ədəbi fəaliyyətə 50-ci illərdən başlayıb. Onun fantastik
hekayələri, povest və nağılları çap edilmiş, "Tərs gün”, "Kiberlandiya”
pyesləri teatr səhnəsində tamaşaya qoyulmuşdur. |
N.Abdullayev müxtəlif illərdə nəşr olunmuş "Sehrli oğlan”, "itirilmiş
dünya”, "Balaca Kiberin macəraları”, "Gecələr uzanaydı”, "Piyada vəzirə
çevrilir” kitablarının müəllifidir. Bu fantastik əsərlərdə insanın,
bəşəriyyətin taleyi üçün narahatlıq, təbiətin sirlərini dərk etmək, ondan insan
naminə bəhrələnmək arzusu öz bədii əksini tapmışdır.
"Atlantidadan gələn adam” hekayəsində əsərin qəhrəmanı sadə balıqçı
Antellonun həyatda qarşılaşdığı problemlərdən, insana humanist, dözümlü
münasibətin zəruriliyindən söz açılır. Həyat elə gətirir ki, qəfil bir faciə
ilə üzləşən Antello tanımadığı, dilini, adət-ənənəsini bilmədiyi insanların
köməyi ilə düşdüyü vəziyyətdən çıxış yolu axtarır. Lakin müxtəlif
mədəniyyətləri təmsil edən, müxtəlif mühitdə yaşamış bu insanların qarşılıqlı
münasibətləri sadə deyildir, onlar bir-biri ilə münasibətdə ciddi çətinliklərlə
qarşılaşırlar.
Əsəri oxuyarkən oradakı fantastika elementlərinə xüsusi diqqət
yetirin. Bu fantastik hekayənin oxuduğunuz digər hekayələrdən fərqi barədə
düşünün.
|